Angliya premyer-ligasining 34-turidan o‘rin olgan uchrashuvda «Manchester Siti» «Uotford»ni qabul qilib, raqib darvozasiga beshta gol urdi.

Bunga raqib birgina gol bilan javob bera oldi xolos. Bu g‘alaba «Manchester Siti»ga yakshanba kuni bo‘lib o‘tadigan «Liverpul» – «Everton» uchrashuvi natijasidan qat’i nazar, turnir jadvalida birinchi o‘rinni egallab olish imkonini berdi.

Qolaversa, bu «Manchester Siti»ning «Uotford» bilan qarama-qarshilikdagi qatorasiga o‘n beshinchi g‘alabasi bo‘ldi, bu chempionatning mutlaq rekordidir. Oxirgi marta «Uotford» «Manchester Siti» bilan roppa-rosa 15 yil avval 2007 yilning 21 aprelida 1:1 hisobida durang o‘ynagandi.