Англия премьер-лигасининг 34-туридан ўрин олган учрашувда «Манчестер Сити» «Уотфорд»ни қабул қилиб, рақиб дарвозасига бешта гол урди.
Бунга рақиб биргина гол билан жавоб бера олди холос. Бу ғалаба «Манчестер Сити»га якшанба куни бўлиб ўтадиган «Ливерпуль» – «Эвертон» учрашуви натижасидан қатъи назар, турнир жадвалида биринчи ўринни эгаллаб олиш имконини берди.
Қолаверса, бу «Манчестер Сити»нинг «Уотфорд» билан қарама-қаршиликдаги қаторасига ўн бешинчи ғалабаси бўлди, бу чемпионатнинг мутлақ рекордидир. Охирги марта «Уотфорд» «Манчестер Сити» билан роппа-роса 15 йил аввал 2007 йилнинг 21 апрелида 1:1 ҳисобида дуранг ўйнаганди.
