"Napoli" bosh murabbiyi Luchano Spaletti jamoa hali ham A Seriyada chempionlik uchun kurasha oladi, deb hisoblaydi.
“Oxirgi ikki o‘yinda yomon o‘ynadik. Lekin biz faqat oldinga, kelajakka qarashimiz kerak. Va bizning yaqin kelajagimiz "Empoli" deb ataladi. Bizni qiyin maydon va motivasion raqib kutmoqda. "Napoli" hali ham chempionlik uchun kurashish istagida", deb Spaletti so‘zlaridan iqtibos keltiradi ITASportPress.
"Napoli" 33 turdan keyin 67 ochko bilan turnir jadvalida uchinchi o‘rinda bormoqda va "Yuventus"dan 4 ochko oldinda.
"Empoli"ga qarshi A Seriya o‘yini 24 aprel kuni bo‘lib o‘tadi.