«Manchester Siti» hujumchisi Gabriel Jezus Dortmundning «Borussiya» klubi hujumchisi Erling Xolandning APLga kelishi mumkinligi haqidagi savolga javob berdi.

Braziliyalik futbolchining aytishicha, agar norvegiyalik futbolchi qo‘lga kiritilsa, «Manchester Siti» kelajakda katta muvaffaqiyatlarga erishadi.

«U ko‘p fazilatlarga ega futbolchi, u juda kuchli, ko‘p gol uradi. Xoland haqiqiy to‘qqizlik futbolchi.

Agar u haqiqatan ham «Manchester Siti»ga o‘tsa, bu klub uchun katta muvaffaqiyat bo‘ladi», - deya braziliyalik hujumchining so‘zlarini keltiradi Marca.

Eslatib o‘tamiz, Britaniya matbuoti xabarlariga ko‘ra, Xolandning «Manchester Siti»ga kelishi Jezus klubni tark etishiga bog‘liq.

U o‘z pozisiyasiga raqobatchi kelishidan qo‘rqmayapti.