"Barselona" himoyachisi Ronald Arauxo klub bilan yangi 2026 yilgacha mo‘ljallangan shartnoma imzoladi. Shundan so‘ng futbolchi intervyu berib, bundan xursand ekanligini tan oldi.
"Men uchun ko‘p yillar davomida bu yerda qolish - juda katta quvonch. Men bu yerda ishlashni yaxshi ko‘raman va bu imkoniyatni bergani uchun Xudoga minnatdorchilik bildiraman.
Oilam, klubim va hamkasblarimga minnatdorchilik bildirmoqchiman, chunki ular tufayli hamma narsa yaxshi ketmoqda", - dedi urugvaylik futbolchi.
Ma’lumot uchun, Arauxoning yangi shartnomasidagi tovon puli miqdori 1 milliard yevroga yetkazilgan.
