"Kristal Pelas" yozgi transfer oynasida "Manchester Yunayted" qanot himoyachisi Aaron Van-Bissaka bilan shartnoma imzolamoqchi, deya xabar berdi The Telegraph.
Manbaga ko‘ra, londonliklar qanot himoyachisining vakillari bilan bog‘lanib, uning jamoadagi holatini surishtirgan. Agar Van-Bissaka "Pelas"ga qaytishni istasa, klub buni amalga oshirishga tayyor.
Eslatib o‘tamiz, 24 yoshli angliyalik futbolchi 2019 yilgi yozgi transfer oynasida 55 million yevro evaziga aynan "Kristal Pelas"dan "MYU" safiga borib qo‘shilgan. Uning mankunianliklar bilan amaldagi shartnomasi 2024 yilgacha mo‘ljallangan.