“Bavariya” hujumchisi Robert Levandovskining agenti Pini Zaxavi 28 aprel kuni Myunxenga uchib ketdi va klub rahbariyati bilan muzokaralar olib bordi. Biroq, tomonlar 33 yoshli futbolchining kelajagini hal qiladigan yana bir nechta uchrashuvlarni rejalashtirmoqda, deya xabar beradi jurnalist Fabrisio Romano.
Levandovskining amaldagi shartnomasi 2023 yilning iyunigacha mo‘ljallangan.
Oldinroq "Bavariya" o‘zining polshalik hujumchisining ketishini xohlamayotgani, ammo hozirgi maosh shartlari (25 million yevro) bilan 2 yildan ortiq shartnoma taklif qilishga tayyor emasligi haqida xabar berilgandi.
Eslatib o‘tamiz, Levandovski "Bavariya"da 2014 yildan beri to‘p suradi. 2021/22 yilgi mavsumda hujumchi jamoasi safida 43 ta o‘yinda maydonga tushib, 48 ta gol urdi va 6 ta golli uzatmani amalga oshirdi.
