“Бавария” ҳужумчиси Роберт Левандовскининг агенти Пини Захави 28 апрель куни Мюнхенга учиб кетди ва клуб раҳбарияти билан музокаралар олиб борди. Бироқ, томонлар 33 ёшли футболчининг келажагини ҳал қиладиган яна бир нечта учрашувларни режалаштирмоқда, дея хабар беради журналист Фабрицио Романо.

Левандовскининг амалдаги шартномаси 2023 йилнинг июнигача мўлжалланган.

Олдинроқ "Бавария" ўзининг польшалик ҳужумчисининг кетишини хоҳламаётгани, аммо ҳозирги маош шартлари (25 миллион евро) билан 2 йилдан ортиқ шартнома таклиф қилишга тайёр эмаслиги ҳақида хабар берилганди.

Эслатиб ўтамиз, Левандовски "Бавария"да 2014 йилдан бери тўп суради. 2021/22 йилги мавсумда ҳужумчи жамоаси сафида 43 та ўйинда майдонга тушиб, 48 та гол урди ва 6 та голли узатмани амалга оширди.