Pro liga 6-turi doirasidagi «Mash’al» – «G‘ijduvon» (5:0) o‘yinidan so‘ng mezbonlar bosh murabbiyi Dilyaver Vaniyev jurnalistlar savollariga javob qaytardi.
– O‘yin haqida
– O‘zbekiston Kubogida «Qo‘qon-1912″dan qabul qilib olingan yirik hisobdagi mag‘lubiyat (0:4)dan so‘ng yigitlar bilan jiddiy gaplashib olgandik. Shu bois bugungi bahsga jiddiy ahamiyat qaratgandik. 0:0 bo‘lib turganda raqibda ham imkoniyatlar yuzaga keldi. Oldingi o‘yindan saboq chiqardik. Endi keyingi uchrashuvlarga hozirlik ko‘ramiz.
– Mikola Agapov 3 ta gol urdi. Futbolchini keyinroq zaxiraga oldingiz, balki oxirigacha imkoniyat berish kerakmidi…
– U yuqori darajali futbolchi. FIFA to‘g‘ri qarorga keldi. U kelgandan keyin jamoaga katta yordam bermoqda. O‘zgarish qilganimizga sabab u yetarlicha o‘yin amaliyotiga ega bo‘ldi, yosh futbolchiga imkon berishga qaror qildik, bu normal holat.
– «Mash’al» Kubok uchrashuvida «G‘ijduvon» bilan 0:0 o‘ynagandi. Shundan kelib chiqsak, asosiy e’tibor chempionatga qaratilganmi?
– O‘sha o‘yindan qoniqmagandim. Rotasiya ham bo‘lgandi. Bugungi va o‘sha o‘yin o‘rtasidagi farqni birinchi urgan golimiz yo‘qqa chiqardi. Oldinga intilishda davom etamiz.
Fursatdan foydalanib, «Nasaf»ni pley-offga chiqqani bilan tabriklayman! Bu O‘zbekiston uchun katta reyting natija keltiradi.
