«Manchester Yunayted»ning sobiq yarim himoyachisi Roy Kin Antonio Ryudigerning «qizil iblislar» lageriga bo‘lgan ehtimoliy transferi haqida gapirdi.
29 yoshli himoyachi shu yozda «Chelsi»ni tekinga tark etishga qaror qildi va «Manchester Yunayted» uni qo‘lga kiritish uchun asosiy da’vogarlardan biri edi, biroq nemis futbolchisi bu klubni rad etdi va tez orada «Real» bilan shartnoma imzolaydi.
«Ryudigerning ketishi «Chelsi» uchun katta yo‘qotish. U juda yaxshi o‘yinchi, uning xarakteri bor va jamoa kiyinish xonasida ham, maydonda ham uning rolini sog‘inib qolishadi», - deydi Kin.
