Superliga 6-tur doirasidan o‘rin olgan “Qo‘qon-1912” - “Nasaf” uchrashuvi 2 may kuni Yaypan shahrida bo‘lib o‘tadi. Mazkur bahs oldidan ushbu jamoalarning o‘zaro o‘yinlardagi statistik ma’lumotlari bilan tanishtirib o‘tamiz.
O‘zaro o‘yinlar
Bu jamoalar shu paytga qadar chempionat doirasida 26 marta to‘qnash kelishgan.
“Nasaf” o‘yinlarning 17 tasida zafar quchgan, 5 ta bahsda vakillarimiz qo‘li baland kelgan. To‘rtta uchrashuvda durang natija qayd etilgan.
To‘plar nisbati – 48-26, “Nasaf” foydasiga. O‘zaro o‘yinlarda “Ajdardar” 55 ochkoni qo‘lga kiritishgan. “Qo‘qon-1912” ochkosi 19 tani tashkil etadi.
Qo‘qonda o‘tkazgan so‘nggi olti uchrashuv natijalari bilan tanishing
28.06.2021. "Qo‘qon-1912" - "Nasaf" 1-2
14.07.2020. Qo‘qon-1912 – Nasaf - 2:2
27.08.2019. Qo‘qon-1912 – Nasaf - 1:0
13.09.2018. Qo‘qon-1912 – Nasaf - 1:1
21.04.2018. Qo‘qon-1912 – Nasaf - 0:0
04.03.2017. Qo‘qon-1912 – Nasaf - 1:2
Hakamlar
O‘zPFL Coca Cola superligasining 6-turida ishlaydigan rasmiylar ro‘yxatini e’lon qildi. Unga ko‘ra “Nasaf” – “Qo‘qon-1912” jamoalari o‘rtasidagi uchrashuvni Rustam Lutfullin boshchiligidagi hakamlar jamoasi boshqarib boradigan bo‘ldi.
Lutfullin o‘tgan mavsumda jamoamiz ishtirokidagi ikkita bahsni boshqarib borgan va u o‘yinlarda biz g‘alaba qozona olmaganmiz. Superliganing 3-turidan o‘rin olgan va Termiz shahrida bo‘lib o‘tgan Surxonga qarshi bahs 1-1 hisobidagi durang natija bilan yakunlangan. 8-turdan o‘rin olgan “Paxtakor”ga qarshi Toshkentda bo‘lib o‘tgan bahsda esa jamoamiz 3-0 hisobida imkoniyatni boy bergan edi.
Umid qilamizki bu mavsumda Rustam Lutfullin boshqargan bahslar bizga omad olib keladi.
QO‘QON-1912 – NASAF
Hakamlar: Rustam Lutfullin, Sanjar Shoyusupov, Alisher Usmonov, G‘ayrat Jo‘rayev
Nazoratchi: Igor Nexochin
Komissar: Zoxirjon Akramxonov
Boshlanish vaqtlari
“Qo‘qon-1912” – “Nasaf” uchrashuvi 2-may dushanba kuni, soat 18:30 da boshlanadi. Uchrashuv Yaypandagi “O‘zbekiston” stadionida bo‘lib o‘tadi.
Ushbu jamoalarning o‘rinbosarlar tarkiblari esa 3 may kuni Qo‘qondagi “markaziy” stadionida o‘zaro bellashadilar.
