Son Xin Min Premyer-liganing eng yaxshi to‘purari sovrini uchun kurashda Muhammad Salohga yaqinlashadi.
Angliya chempionatining 35-turidan o‘rin olgan «Lester»ga qarshi o‘yinda «Tottenxem»ning hujumkor yarim himoyachisi ikkinchi bo‘limda dubl qayd etdi.
Bular janubiy koreyalik futbolchining Premyer-liganing joriy mavsumidagi 18 va 19-gollari bo‘lib, bu uning faoliyatidagi eng yaxshi natijasi hisoblanadi.
Son Premyer-liga to‘purarlari ro‘yxatida ikkinchi o‘rinda, peshqadam Salohdan («Liverpul») 3 ta gol ortda. «Manchester Yunayted» hujumchisi Krishtianu Ronaldu 17 ta gol bilan uchinchi o‘rinda bormoqda.
