Сон Хин Мин Премьер-лиганинг энг яхши тўпурари соврини учун курашда Муҳаммад Салоҳга яқинлашади.

Англия чемпионатининг 35-туридан ўрин олган «Лестер»га қарши ўйинда «Тоттенхэм»нинг ҳужумкор ярим ҳимоячиси иккинчи бўлимда дубл қайд этди.

Булар жанубий кореялик футболчининг Премьер-лиганинг жорий мавсумидаги 18 ва 19-голлари бўлиб, бу унинг фаолиятидаги энг яхши натижаси ҳисобланади.

Сон Премьер-лига тўпурарлари рўйхатида иккинчи ўринда, пешқадам Салоҳдан («Ливерпуль») 3 та гол ортда. «Манчестер Юнайтед» ҳужумчиси Криштиану Роналду 17 та гол билан учинчи ўринда бормоқда.