Ma’lumki, “Andijon” jamoasining har bir o‘yini uchun eng yaxshi futbolchilarni aniqlash bo‘yicha muxlislar o‘rtasida so‘rovnoma o‘tkazib kelinmoqda.

Yodingizda bo‘lsa, ushbu so‘rovnomaning umumiy natijalariga ko‘ra, ilk bor Eldor Adhamov mart oyining eng yaxshi futbolchisi sifatida e’tirof etilgandi. Aprel oyida ham jamoa an’anasiga sodiq qolgan holda mazkur jarayonni davom ettirdi.

“Andijon”ning o‘tgan oydagi to‘rtta uchrashuvidan kelib chiqib barcha yig‘ilgan ovozlar hisoblandi. Unga ko‘ra, “Andijon” jamoasining aprel oyidagi eng yaxshi futbolchisi sifatida Ildar Mamatkazin e’tirof etildi.

Bugun jamoa a’zolari o‘z qarorgohida “Mash’al”ga qarshi o‘yin uchun tayyorgarlikni boshladilar. Aynan mashg‘ulotdan oldin oyning eng yaxshi futbolchisi uchun joriy etilgan o‘ziga xos statuetkani Mamatkazin bosh murabbiy Viktor Kumikovdan qabul qilib oldi.
Tajribali himoyachi barchasi bo‘lib 860 ta ovozga ega bo‘ldi. Undan keyingi o‘rin Shahboz Erkinovga nasib qilgan bo‘lib, uning hisobida 690 ta ovoz mavjud.

So‘rovnoma natijalariga ko‘ra yuqori beshtalik quyidagi ko‘rinishda:
1. Ildar Mamatkazin 860 ta ovoz
2. Shahboz Erkinov 690
3. Farhod Sohibjonov 423
4. Muhammadkarim Toirov 227
5. Xurshid Xodjayev 200