Маълумки, “Андижон” жамоасининг ҳар бир ўйини учун энг яхши футболчиларни аниқлаш бўйича мухлислар ўртасида сўровнома ўтказиб келинмоқда.
Ёдингизда бўлса, ушбу сўровноманинг умумий натижаларига кўра, илк бор Элдор Адҳамов март ойининг энг яхши футболчиси сифатида эътироф этилганди. Апрель ойида ҳам жамоа анъанасига содиқ қолган ҳолда мазкур жараённи давом эттирди.
“Андижон”нинг ўтган ойдаги тўртта учрашувидан келиб чиқиб барча йиғилган овозлар ҳисобланди. Унга кўра, “Андижон” жамоасининг апрель ойидаги энг яхши футболчиси сифатида Илдар Маматказин эътироф этилди.
Бугун жамоа аъзолари ўз қароргоҳида “Машъал”га қарши ўйин учун тайёргарликни бошладилар. Айнан машғулотдан олдин ойнинг энг яхши футболчиси учун жорий этилган ўзига хос статуэткани Маматказин бош мураббий Виктор Кумиковдан қабул қилиб олди.
Тажрибали ҳимоячи барчаси бўлиб 860 та овозга эга бўлди. Ундан кейинги ўрин Шаҳбоз Эркиновга насиб қилган бўлиб, унинг ҳисобида 690 та овоз мавжуд.
Сўровнома натижаларига кўра юқори бешталик қуйидаги кўринишда:
1. Илдар Маматказин 860 та овоз
2. Шаҳбоз Эркинов 690
3. Фарҳод Соҳибжонов 423
4. Муҳаммадкарим Тоиров 227
5. Хуршид Ходжаев 200
