Londonning “Chelsi” klubi rahbarlari yozgi transfer oynasida belgiyalik “Lester” yarim himoyachisi Yuri Tilemansni raqiblaridan ushlab qolishni rejalashtirmoqda.
Kalsiomerkato xabariga ko‘ra, londonliklar 24 yoshli futbolchini o‘z safiga qo‘shib olmoqchi, unga "Manchester Yunayted" va "Arsenal" ham qiziqish bildirmoqda. Tilemansning o‘zi faoliyatini "Real Madrid"da davom ettirmoqchi. Eslatib o‘tamiz, yarim himoyachining "Lester" bilan amaldagi shartnomasi 2023 yilning iyunigacha amal qiladi.
Joriy mavsumda Yuri Tilemans Angliya chempionatida 28 ta o‘yin o‘tkazib, 6 ta gol va 3 ta golli uzatmaga mualliflik qilgan.
