Лондоннинг “Челси” клуби раҳбарлари ёзги трансфер ойнасида белгиялик “Лестер” ярим ҳимоячиси Юри Тилемансни рақибларидан ушлаб қолишни режалаштирмоқда.
Калсиомеркато хабарига кўра, лондонликлар 24 ёшли футболчини ўз сафига қўшиб олмоқчи, унга "Манчестер Юнайтед" ва "Арсенал" ҳам қизиқиш билдирмоқда. Тилеманснинг ўзи фаолиятини "Реал Мадрид"да давом эттирмоқчи. Эслатиб ўтамиз, ярим ҳимоячининг "Лестер" билан амалдаги шартномаси 2023 йилнинг июнигача амал қилади.
Жорий мавсумда Юри Тилеманс Англия чемпионатида 28 та ўйин ўтказиб, 6 та гол ва 3 та голли узатмага муаллифлик қилган.
