«Tottenxem» «Brayton» himoyachisi Mark Kukurelyaga qiziqish bildirmoqda. London klubi bosh murabbiyi Antonio Konte futbolchini yozdagi transfer oynasida o‘z safiga qo‘shib olmoqchi.

«Tottenxem» yozgi transfer oynasida himoya chizig‘ini kuchaytirmoqchi. Oldinroq klub «radari»ga Alessandro Bastoni va Yoshko Gvardiol ham tushgani xabar qilingandi.

Ayni damda «shporlar» Chempionlar ligasi zonasi uchun kurashmoqda, ammo baribir, klub kelasi yozda katta transferlarni amalga oshirmoqchi.

Kukurelya - «Brayton»ning asosiy himoyachisi. Joriy mavsumda futbolchi APLda 32 ta o‘yin o‘tkazib, 1 ta golli uzatmani amalga oshirdi.