«Manchester Yunayted» bosh murabbiyi Ralf Rangnik himoyachi Garri Maguayrni mavsumning oxirigacha safga qaytishini istisno qilmadi.
«Garri Maguayr mavsum oxirigcha safga qaytishi mumkin. Biz kutishimiz kerak va u chorshanba kuni mashg‘ulot o‘tkazishi ehtimoli bor», - deydi Rangnik.
Klub sardori tizzasidan olgan jarohati tufayli so‘nggi ikki o‘yinni o‘tkazib yubordi. Avvalroq u Angliya chempionati o‘yinlarida yo‘l qo‘ygan bir qancha xatolari uchun tanqid qilingandi.
Joriy mavsumda futbolchi Premyer-ligada 28 ta o‘yin o‘tkazib, 1 ta gol urgan.