«Barselona» himoyachisi Dani Alvesh ispan OAVlariga bergan intervyusida bosh murabbiy Xavi klub futbolchilari uchun eng yaxshi ustozi ekanligini aytdi.

«U klub ega bo‘lishi mumkin bo‘lgan eng yaxshi murabbiy. Jamoa a’zolari undan eng yaxshisini o‘rganishi va bu ishga borini bag‘ishlashi kerak», - deydi tajribali himoyachi.

38 yoshli futbolchi «Barselona»ning joriy mavsumdagi qiyinchiliklari haqida ham gapirdi va futbolchilarni birlashishga chaqirdi.

«Hozir biz o‘tish bosqichidamiz, hammasi o‘zi bo‘lganidek ketmoqda, ammo ishlar yaxshilanadi. Biz kelajakka optimistik qarashimiz kerak», - deya qo‘shimcha qildi Alvesh.

«Barselona» hozirda La Ligada ikkinchi o‘rinda bormoqda va keyingi mavsumda Chempionlar Ligasidagi o‘rnini deyarli qo‘lga kiritdi.