"Bayer" hujumchisi Mussa Diabi "Nyukasl"ga o‘tishga yaqin turibdi, deya xabar beradi Kicker.
Manbaga ko‘ra, Leverkuzen klubi 22 yoshli fransiyalik futbolchiga 50 million yevrodan ko‘proq taklif tushsa, yozgi transferlar vaqtida u bilan xayrlashishga rozi bo‘lgan.
"Nyukasl" futbolchida sotib olmoqchi va u uchun katta pul to‘lashga tayyor. Diabining o‘zi ham faoliyatida keyingi qadamni tashlamoqchi va o‘zini Premyer-ligada sinab ko‘rishga qiziqmoqda.
2021/22 yilgi mavsumda Diabi "Bayer" tarkibida 40 ta o‘yinda 16 ta gol va 13 ta golli uzatmani amalga oshirdi. Transfermarkt portali hujumchining narxini 55 million yevroga baholamoqda.
