"Байер" ҳужумчиси Мусса Диаби "Ньюкасл"га ўтишга яқин турибди, дея хабар беради Kicker.
Манбага кўра, Леверкузен клуби 22 ёшли франциялик футболчига 50 миллион евродан кўпроқ таклиф тушса, ёзги трансферлар вақтида у билан хайрлашишга рози бўлган.
"Ньюкасл" футболчида сотиб олмоқчи ва у учун катта пул тўлашга тайёр. Диабининг ўзи ҳам фаолиятида кейинги қадамни ташламоқчи ва ўзини Премьер-лигада синаб кўришга қизиқмоқда.
2021/22 йилги мавсумда Диаби "Байер" таркибида 40 та ўйинда 16 та гол ва 13 та голли узатмани амалга оширди. Трансфермаркт портали ҳужумчининг нархини 55 миллион еврога баҳоламоқда.