"Manchester Yunayted" hujumchisi Markus Reshford jamoani tark etish niyatida emas. Bu haqda insayder Fabrisio Romano ijtimoiy tarmoqlardagi sahifasi orqali xabar berdi.
Manbaga ko‘ra, Markus hali kelajagi borasida yakuniy qarorga kelmagan va Erik ten Xag bilan suhbatni kutmoqda. Uning ustuvorligi - "Manchester Yunayted"da qolish, ammo unga o‘yin vaqti kafolatlangan taqdirdagina klub safida qoladi.
Bu yozda "Manchester Yunayted" yangi markaziy hujumchi bilan shartnoma imzolaydi, ammo bu Reshfordning kelajagi bilan bog‘liq emas.
24 yoshli angliyalik futbolchi joriy mavsumda barcha klub turnirlarida 28 ta o‘yinda maydonga tushib, 5 ta gol va 2 ta golli uzatmani amalga oshirdi. Uning "Manchester Yunayted" bilan shartnomasi 2023 yilning iyunigacha amal qiladi. Transfermarkt portali xabariga ko‘ra, futbolchining transfer qiymati 85 million yevroga baholanmoqda.
