"Манчестер Юнайтед" ҳужумчиси Маркус Рэшфорд жамоани тарк этиш ниятида эмас. Бу ҳақда инсайдер Фабрицио Романо ижтимоий тармоқлардаги саҳифаси орқали хабар берди.
Манбага кўра, Маркус ҳали келажаги борасида якуний қарорга келмаган ва Эрик тен Хаг билан суҳбатни кутмоқда. Унинг устуворлиги - "Манчестер Юнайтед"да қолиш, аммо унга ўйин вақти кафолатланган тақдирдагина клуб сафида қолади.
Бу ёзда "Манчестер Юнайтед" янги марказий ҳужумчи билан шартнома имзолайди, аммо бу Рэшфорднинг келажаги билан боғлиқ эмас.
24 ёшли англиялик футболчи жорий мавсумда барча клуб турнирларида 28 та ўйинда майдонга тушиб, 5 та гол ва 2 та голли узатмани амалга оширди. Унинг "Манчестер Юнайтед" билан шартномаси 2023 йилнинг июнигача амал қилади. Трансфермаркт портали хабарига кўра, футболчининг трансфер қиймати 85 миллион еврога баҳоланмоқда.