Insayderi Nizar Kinsellaning ijtimoiy tarmoqdagi sahifasida ma’lum qilinishicha, Fransiyaning “Lion” klubi mavsum yakunida Londonning “Chelsi” klubidan ijaraga olingan chap qanot himoyachisi Emerson Palmerini sotib ololmaydi.
Qayd etilishicha, “Lion”da braziliyalik himoyachini sotib olish uchun yetarli mablag‘ yo‘q. Qishda "Chelsi" fransuz klubiga ijara shartnomasini muddatidan oldin bekor qilgani uchun tovon puli miqdorini taklif qilgan, biroq fransuz klubi 4 million yevroga rozi bo‘lishmadi.
Eslatib o‘tamiz, Italiya matbuotining xabariga ko‘ra, Emerson Turin "Yuventus" klubining yozgi transfer oynasidagi asosiy maqsadlaridan biriga aylanishi mumkin.
