"Arsenal" hujumchisi Edvard Nketia kelajagi haqida gapirdi.

“Mening kelajagim tez orada aniqlanadi. Bizda bor yo‘g‘i to‘rtta o‘yin qoldi. Men jamoaga bor kuchimni berib, maqsadlarimizga erishishda yordam bera olaman. Chempionlar ligasiga chiqishga yordam bersam, juda yaxshi bo‘lardi. Menimcha, bunga "Arsenal" va muxlislar munosib.

Shundan so‘ng men oilam va agentim bilan o‘tirib, qanday davom etishni hal qilish uchun vaqtim bo‘ladi. Kelgusi mavsum qayerda bo‘lmasin, baxtli bo‘lsam va futbol o‘ynasam, bu ajoyib bo‘ladi", - dedi Nketia.

Oldinroq 22 yoshli futbolchiga "Vest Xem", "Nyukasl" va "Kristal Pelas" klublari qiziqish bildirayotgani haqida xabar berilgandi.

Hujumchining “Arsenal” bilan amaldagi shartnomasi 2022 yilning 30 iyuniga qadar amal qiladi.

2021/22 yilgi mavsumda Edvard barcha musobaqalarda 24 ta o‘yinda maydonga tushib, 7 ta gol urdi va bitta golli uzatmani amalga oshirdi.