Londonning “Arsenal” klubi rahbariyati misrlik yarim himoyachi Muhammad Elneni bilan shartnomani uzaytirmoqchi.
The Athletic xabariga ko‘ra, London jamoasi vakillari 2016 yildan buyon "Arsenal"da to‘p surayotgan 29 yoshli misrlik futbolchi bilan tez orada yangi shartnoma imzolash niyatida. Eslatib o‘tamiz, Misr terma jamoasi yarim himoyachisi va “kanonirlar” o‘rtasidagi amaldagi kelishuv joriy mavsum oxirigacha mo‘ljallangan.
Eslatib o‘tamiz, joriy mavsum Muhammad Elneni Angliya chempionatida 11 ta uchrashuv o‘tkazib, ikkita golli uzatmani amalga oshirgan.
