"Liverpul"ning sobiq futbolchisi va hozirda "Brayton" yarim himoyachisi Adam Lallana may oyi oxirida Parijga "Liverpul" va "Real" o‘rtasidagi Chempionlar ligasi finaliga borishni rejalashtirayotganini aytdi.

Angliyalik futbolchi "qaymoqranglilar" bilan hal qiluvchi bahsda sobiq jamoasini qo‘llab-quvvatlash niyatida.

“Afsuski, “Liverpul” dam olish kunlari ochko yo‘qotdi, ammo bu ligada bu har qanday jamoa bilan sodir bo‘lishi mumkin. Umid qilamanki, Parijga borib, Chempionlar ligasi finalida “Liverpul”ni qo‘llab-quvvatlayman”, — dedi angliyalik futbolchi Anfield Watch bilan suhbatda.

Eslatib o‘tamiz, yaqinlashib kelayotgan Chempionlar ligasi finali "Liverpul" uchun so‘nggi 5 yildagi uchinchisi bo‘ladi. "Real" uchun bu final oxirgi 8 yildagi beshinchi final bo‘ladi.