O‘zbekiston chempionatining 8-turida AGMK raqibi Navoiyning "Qizilqum" jamoasi bo‘ladi.
O‘yin 11 may kuni Olmaliqdagi OKMK sport majmuasida soat 19:00da boshlanadi. Mazkur bahsda AGMK nominal mehmon sifatida o‘ynaydi. Navoiydagi stadionda ta’mirlash ishlari bo‘layotgani tufayli «Qizilqum» joriy mavsum uy uchrashuvlarini Olmaliqda o‘tkazmoqda.
Ushbu qarama-qarshilikda jamoalar 31 bor to‘qnash kelgan. O‘zaro o‘yinlarda ustunlik AGMK tarafida. AGMK hisobida 14 g‘alaba, «Qizilqum»da esa ikkita kam - 12 g‘alaba mavjud. Qolgan 5 o‘yinda esa g‘olib nomi aniqlanmagan. To‘plar nisbati ham AGMK foydasiga: 52-44.
O‘yin hakami etib Shavkat Nasibullayev tayinlangan. VARga javobgar esa Firdavs Norsafarov.
