O‘zbekiston Superligasi 8-turidan o‘rin olgan bahsda “Navbahor” Samarqandda “Dinamo” mehmoni bo‘ladi.    

Mazkur klublar shu kungacha Superliga (oliy liga) bahslarida 48 marta o‘zaro ro‘baro‘ kelishgan. Ushbu o‘yinlarda namanganliklar 26, “ko‘hna shaharliklar” esa 13 marta zafar quchishgan bo‘lsa, 9 ta uchrashuvda durang qayd etilgan. To‘plar nisbati – 85-43, “Navbahor” foydasiga.

O‘zaro o‘yinlarda “lochinlar” 87, “arslonlar” esa 48 ochkoni qo‘lga kiritishgan.  

Ushbu jamoalar o‘rtasidagi o‘yinlarda eng yirik hisob 1996 va 1997 yillari Namanganda qayd etilgan. O‘sha mavsumlarda “Navbahor” “Dinamo” ustidan tegishlicha 6:0  hamda 7:1 hisoblarida zafar quchgan.

E’tiborlisi, samarqandliklar shu paytgacha namanganliklarni yirik hisobda mag‘lubiyatga uchrata olishmagan.

Eslatib o‘tamiz, “Dinamo” – “Navbahor” bahsi 11 may kuni Samarqand shahridagi “Dinamo” stadionida soat 19:00 da start oladi.