"Yuventus" markaziy himoyachisi Jordjo Kyellini ertaga Italiya kubogi finalida "Inter"ga qarshi o‘yindan so‘ng o‘z kelajagi haqida e’lon qiladi.
37 yoshli faxriyning shartnomasi kelasi yozgacha amal qiladi, biroq u joriy mavsum yakunida faoliyatini yakunlash haqida jiddiy o‘ylamoqda.
Kyellinida MLSda o‘ynash imkoniyatlari ham bor, futbolchining qarori Italiya kubogi finalidan keyin ma’lum bo‘ladi.
"Men ushbu finalni kutmoqchiman. Maqsadlarimiz bor ekan, bor e’tiborimni futbolga qaratmoqchiman.
Men Yevro-2020da g‘alaba qozonganimning ertasigayoq nafaqaga chiqishim mumkin edi. Keling, bu o‘yinni kutamiz", — deydi himoyachi o‘yinoldi matbuot anjumanida.
