"Ювентус" марказий ҳимоячиси Жорджо Кьеллини эртага Италия кубоги финалида "Интер"га қарши ўйиндан сўнг ўз келажаги ҳақида эълон қилади.
37 ёшли фахрийнинг шартномаси келаси ёзгача амал қилади, бироқ у жорий мавсум якунида фаолиятини якунлаш ҳақида жиддий ўйламоқда.
Кьеллинида МЛСда ўйнаш имкониятлари ҳам бор, футболчининг қарори Италия кубоги финалидан кейин маълум бўлади.
"Мен ушбу финални кутмоқчиман. Мақсадларимиз бор экан, бор эътиборимни футболга қаратмоқчиман.
Мен Евро-2020да ғалаба қозонганимнинг эртасигаёқ нафақага чиқишим мумкин эди. Келинг, бу ўйинни кутамиз", — дейди ҳимоячи ўйинолди матбуот анжуманида.
