Sun xabariga ko‘ra, "Vest Xem" yarim himoyachisi Deklan Rays yangi shartnoma imzolamaydi.

Manbaga ko‘ra, futbolchi haftasiga 230 ming yevrodan ko‘proq maosh oladigan 8 yillik yangi shartnomani rad etadi. U "Manchester Yunayted" va "Chelsi" klublarining qiziqishi tufayli bunday uzoq muddatli shartnoma imzolashni istamayapti.

Rays 2013 yilda "Chelsi" akademiyasidan "bolg‘achilar" akademiyasiga ko‘chib o‘tgandi. O‘shandan beri u barcha musobaqalarda asosiy tarkibda 193 ta o‘yin o‘tkazib, 10 ta gol urdi va 9 ta golli uzatmani amalga oshirdi.

Uning amaldagi shartnomasi 2024 yilgacha amal qiladi. Transfermarkt 23 yoshli angliyalik futbolchini 75 mln yevroga baholamoqda.