Millatlar ligasining 2022-2023 yilgi mavsumi start olishga yaqin turibdi. Bunda o‘tgan yilgi chempion Fransiya o‘z o‘rnini yo‘qotmaslikka harakat qiladi. Ammo boshqa terma jamoalar va ularning hujumchilari ham borki, bu o‘rinni istalgan vaqtda fransuzlardan tortib olishi mumkin. Quyida Yevropaning top terma jamoalarida harakat qiluvchi top hujumchilar nomi keltirilgan.
8. Ferran Torres
Torres Luis Enrikening Ispaniya terma jamoasida uzoq vaqt yarim himoyachi o‘rnida harakat qilib keldi. Ammo Alvaro Morataning yomon sport formasi sabab, u Ispaniyaning yangi 9 raqamiga aylanib oldi. Sobiq "Manchester Siti" futbolchisi ayni damda "Barselona" bilan. U La-ligani yonidirishni davom ettirmoqda.
7. Dushan Vlaxovich
"Yuventus"da anchayin cho‘kib qolgan futbolchi hali ham Yevropadagi eng kelajagi porloq va g‘ayratli yosh hujumchi sifatida qaraladi. Uning Serbiya terma jamoasiga jalb etilganiga hali unchalik ko‘p bo‘lmadi. Ammo u atigi 14 ta o‘yinda 7 ta gol urishga erishdi. Vlaxovich Millatlar ligasida qaytadan porlashi mumkin.
6. Romelu Lukaku
Hujumchi mavsumni o‘ta yomon o‘tkazayotgani hech kimga sir emas. Bunday natija hujumchining shaxsiy standartlariga to‘g‘ri kelmasligi aniq. Ammo u Belgiya terma jamoasida haqiqiy "yirtqich"ga aylanadi (bir paytlar "Inter"da ham shunday edi). "Chelsi" hujumchisi hisobida milliy terma jamoa miqyosida 35 ta gol mavjud. Bu borada ikkinchi o‘rinni Eden Azar egallab turibdi. Lukaku jamoasi Millatlar ligasining yangi mavsumnini yutish uchun jiddiy da’vogarlar qatorida e’tirof etiladi.
5. Erling Xoland
Endigina "Manchester Siti"ga transfer qilingan futbolchi, terma jamoa miqyosida ham yetakchi sanaladi. Norvegiya termasini yuqori o‘rinlarga olib chiqishda Xolandning xizmatlari katta bo‘lishi taxmin qilingan. Ular Millatlar ligasining A darajasiga ko‘tarilib olish uchun saviyali tarkib tuzishni boshladi. Bunda Martin Edegor va Kristofer Ayerlar Xolandga yaqindan yordam berishlari mumkin.
4. Krishtianu Ronaldu
Garchand Portugaliya terma jamoasi tarkibida kuchli hujumchilar ko‘p bo‘lsada, Ronaldu baribir asosiy rolda qolmoqda. Xalqaro futbolning barcha davrlardagi eng zo‘r to‘purari bu mavsum Millatlar ligasida o‘z rekordlarini yanada yaxshilab olish imkoniga ega bo‘ladi. Portugaliya o‘z guruhida Shveysariya, Chexiya hamda Ispaniya bilan bahs olib borishi belgilangan.
3. Xarri Keyn
Ayni damda Angliya tarixidagi eng yaxshi to‘purar bo‘lish uchun Keynga faqat 4 ta gol yetmayapti, xolos. Bu yozda esa mana shu "kamomad" to‘ldirilishi mumkin. "Uch Sherlar" sardori o‘tgan yilgi Yevropa chempionatida muhim ahamiyat kasb etgandi. Ehtimolki, Millatlar ligasining yangi mavsumi, u uchun ilk sovrin eshigini ochadi.
2. Robert Levandovski
Levandovski ham Polsha termasidagi natijalari bilan maqtana oladi.(129 ta o‘yinda 75 ta gol). Uning "Oltin to‘p"i "og‘irlab" olinganidan keyin, hujumchi yanada yaxshiroq bo‘ldi. Polshaga guruh bosqichida Belgiya, Niderlandiya hamda Uels raqiblik qiladi. Ko‘ramiz, "qizil-oqlar" guruhdan chiqa olarmikin...
1. Karim Benzema
Levandovskining "Oltin to‘p"ga bo‘lgan umidi so‘na boshlagan bir paytda, Karim o‘z natijalarini yuqoriga olib chiqa boshladi. Bu mavsumni qo‘ya turaylik, o‘tgan yilgi Millatlar ligasida Benzemaning nimalar qilganini hamma eslay olsa kerak. Uning qayd etgan natijalari bemalol bittadan ortiq "Oltin to‘p"ga yetgan bo‘lardi. YECHL finalida "Real" g‘alaba qozonsa, Benzema uchun yorqin lahzalar yanada yaqinlashadi.
Yuqoridagi futbolchilar Millatlar ligasida ishtirok etuvchi jamoalarning eng yorqin yulduzlari edi. Siz-chi, siz bu borada nima deb o‘ylaysiz? Balki sizning tanlovingiz biznikidan farqlidir?
Jaloliddin ISMATOV tarjimasi
