Madridning “Real” klubi hujumchi Vinisius uchun yangi shartnoma tayyorlamoqda. Joriy mavsumda futbolchi ajoyib o‘yinlar namoyish etmoqda va klub bilan birgalikda Ispaniya chempionligini qo‘lga kiritdi. Shuningdek, braziyalik futbolchi Chempionlar ligasida ham g‘olib chiqish imkoniyatiga ega bo‘ldi.

"Real Madrid" rahbariyati futbolchi bilan yangi shartnoma imzolashga va uning maoshini oshirishga tayyor. Yangi shartnomaga ko‘ra, Vinisius yiliga 10 million yevro oladi, deya xabar beradi Sport nashri.

Biroq braziliyalik futbolchi 4 yoki 5 mavsumga shartnoma imzolash niyatida, klub esa futbolchi bilan shartnomani 6 yilga uzaytirmoqchi. 

Ma’lumot o‘rnida, futbolchi joriy mavsumda La Ligada 33 ta o‘yin o‘tkazib, 14 ta gol va 9 ta golga assistentlik qildi.