Мадриднинг “Реал” клуби ҳужумчи Винисиус учун янги шартнома тайёрламоқда. Жорий мавсумда футболчи ажойиб ўйинлар намойиш этмоқда ва клуб билан биргаликда Испания чемпионлигини қўлга киритди. Шунингдек, бразиялик футболчи Чемпионлар лигасида ҳам ғолиб чиқиш имкониятига эга бўлди.

"Реал Мадрид" раҳбарияти футболчи билан янги шартнома имзолашга ва унинг маошини оширишга тайёр. Янги шартномага кўра, Винисиус йилига 10 миллион евро олади, дея хабар беради Sport нашри.

Бироқ бразилиялик футболчи 4 ёки 5 мавсумга шартнома имзолаш ниятида, клуб эса футболчи билан шартномани 6 йилга узайтирмоқчи. 

Маълумот ўрнида, футболчи жорий мавсумда Ла Лигада 33 та ўйин ўтказиб, 14 та гол ва 9 та голга ассистентлик қилди.