"Nyukasl" bosh murabbiyi Eddi Xau "Lion" futbolchisi Lukas Paketani o‘z jamoasiga o‘tish istagi haqida fikr bildirdi.

"O‘tgan yillar davomida turli manbalar tomonidan tavsiya etilgan futbolchilar bilan shartnoma imzoladim. Men hech qachon birovning maslahatini rad qilmaganman" - dedi Xau.

Biroq, u birinchi navbatda yangi futbolchining klubga mos kelishini o‘zi aniqlashi kerakligini qo‘shimcha qildi.

“Ammo, men futbolchini kuzatishim va uning jamoaga mos yoki yo‘qligini tushunish uchun hammasini tahlil qilishim kerak”, - dedi "Nyukasl" ustozi.

Joriy mavsumda Paketa “Lion” safida 34 ta o‘yinda maydonga tushib, 8 ta gol urdi va 6 ta golli uzatmani amalga oshirdi.