Istanbul shahrida o‘tkazilayotgan ayollar o‘rtasidagi jahon chempionatida kecha o‘zbek-qozoq dueli yuzaga keldi. 66 kg. vazn toifasida ishtirok etayotgan hamyurtimiz Navbahor Hamidova ilk bosqichda qozog‘istonlik Darig‘a Shakimovaga qarshi jang olib bordi. O‘zbekistonlik bokschi ushbu jangda 3:2 hisobida g‘alaba qozonib, keyingi bosqichga yo‘l oldi.

Rio-2016 olimpiadasida bronza medalini qo‘lga kiritgan Shakimova mag‘lubiyat sababini quyidagicha izohladi.

«Ha, g‘alaba qozonishni haddan tashqari istagandim hamda raqibga yetarli baho bermadim. Darhol kuchli zarbalar berishni istagandim. Ammo niyatimni amalga oshira olmadi. Shuncha mehnat qildim, ammo birinchi jangimni yutqazib qo‘ydim. Boz ustiga, unchalik kuchli bo‘lmagan raqibga. Bilmadim, balki ko‘p mehnat qilib yuborgandirman. Ishonchni oqlamaganimdan albatta afsusdaman. Ammo biz qilayotgan mehnat shunchaki havoga uchishi mumkin emas. Oldinda hali ko‘p musobaqalar bor. Ushbu xatodan xulosa chiqaramiz va keyingi natijalar boshqacha bo‘ladi», — dedi Shakimova.