"Lion" "Real" hujumchisi Mariano Diasni ortga qaytarmoqchi, deb yozmoqda jurnalist Ekrem Ko‘nur.
Manbaga ko‘ra, Madrid klubi 28 yoshli dominikanlik futbolchining transferidan 5-6 million yevro ishlab olishni istamoqda.
Avvalroq Diasga "Fenerbaxche" qiziqish bildirayotgani haqida ma’lumotlar paydo bo‘lgandi.
Hujumchining “Real” bilan amaldagi shartnomasi 2023 yilning iyunida yakuniga yetadi. Transfermarkt Diasni 6 million yevroga baholagan.
Hujumchi 2017/18 yilgi mavsumda "Lion" safida o‘ynagan va 45 o‘yinda 21 gol urgan.
Joriy mavsumda Dias "qaymoqranglilar" safida 10 ta o‘yin o‘tkazib, bitta golli uzatmani amalga oshirgan.
