"Лион" "Реал" ҳужумчиси Мариано Диасни ортга қайтармоқчи, деб ёзмоқда журналист Экрем Кўнур.
Манбага кўра, Мадрид клуби 28 ёшли доминиканлик футболчининг трансферидан 5-6 миллион евро ишлаб олишни истамоқда.
Аввалроқ Диасга "Фенербахче" қизиқиш билдираётгани ҳақида маълумотлар пайдо бўлганди.
Ҳужумчининг “Реал” билан амалдаги шартномаси 2023 йилнинг июнида якунига етади. Трансфермаркт Диасни 6 миллион еврога баҳолаган.
Ҳужумчи 2017/18 йилги мавсумда "Лион" сафида ўйнаган ва 45 ўйинда 21 гол урган.
Жорий мавсумда Диас "қаймоқранглилар" сафида 10 та ўйин ўтказиб, битта голли узатмани амалга оширган.
