Ispaniyalik futbolchi Franchesk Fabregas mavsum oxirida "Monako"ni tark etadi.
35 yoshli yarim himoyachi monegasklar bilan shartnomasini uzaytirmasligini va yozda erkin agentga aylanishini tasdiqladi.
"Men va "Monako" o‘rtasida hamma narsa tugadi. Shartnomam iyun oyida tugaydi, men ketaman. Faoliyatimni boshqa joyda davom ettirmoqchiman.
Bu yil nafaqat faoliyatim, balki hayotimdagi eng yomon yil bo‘ldi, chunki futbolda baxtli bo‘lolmasam, hayotda ham baxtli bo‘lolmayman. Bu yil juda ko‘p azob chekdim, psixologik jihatdan qiyin bo‘ldi”, - deydi ispaniyalik.
Fabregas jarohati sabab o‘tgan sentyabr oyidan beri maydonga tushmadi. U aprel oyida maydonga qaytishi kerak edi, ammo yana jarohat oldi.
