Испаниялик футболчи Франческ Фабрегас мавсум охирида "Монако"ни тарк этади.
35 ёшли ярим ҳимоячи монегасклар билан шартномасини узайтирмаслигини ва ёзда эркин агентга айланишини тасдиқлади.
"Мен ва "Монако" ўртасида ҳамма нарса тугади. Шартномам июнь ойида тугайди, мен кетаман. Фаолиятимни бошқа жойда давом эттирмоқчиман.
Бу йил нафақат фаолиятим, балки ҳаётимдаги энг ёмон йил бўлди, чунки футболда бахтли бўлолмасам, ҳаётда ҳам бахтли бўлолмайман. Бу йил жуда кўп азоб чекдим, психологик жиҳатдан қийин бўлди”, - дейди испаниялик.
Фабрегас жароҳати сабаб ўтган сентябрь ойидан бери майдонга тушмади. У апрель ойида майдонга қайтиши керак эди, аммо яна жароҳат олди.
