"Liverpul"ning braziliyalik darvozaboni Alisson Bekker mersisaydliklarning Angliya kubogi finalidagi g‘alabasi haqida gapirdi.
Alisson shiddatli o‘yin bo‘lganini, darvozabonlarning seyvlari bilan birinchi o‘ringa chiqqanini aytdi. Braziliyalik futbolchi kubokdagi g‘alaba “Liverpul” futbolchilariga APLning so‘nggi o‘yinlari va Chempionlar ligasi finali uchun ishonch bag‘ishlashini ta’kidlab o‘tdi, biroq endi men shunchaki ajoyib lahzadan zavqlanmoqchiman, deya qo‘shimcha ham qildi futbolchi.
Eslatib o‘tamiz, Yurgen Klopp shogirdlari Angliya kubogini qo‘lga kiritishgan. "Qizillar" turnir finalida "Chelsi"ni mag‘lub etishdi.
