"Ливерпул"нинг бразилиялик дарвозабони Алиссон Беккер мерсисайдликларнинг Англия кубоги финалидаги ғалабаси ҳақида гапирди.

Алиссон шиддатли ўйин бўлганини, дарвозабонларнинг сейвлари билан биринчи ўринга чиққанини айтди. Бразилиялик футболчи кубокдаги ғалаба “Ливерпуль” футболчиларига АПЛнинг сўнгги ўйинлари ва Чемпионлар лигаси финали учун ишонч бағишлашини таъкидлаб ўтди, бироқ энди мен шунчаки ажойиб лаҳзадан завқланмоқчиман, дея қўшимча ҳам қилди футболчи.

Эслатиб ўтамиз, Юрген Клопп шогирдлари Англия кубогини қўлга киритишган. "Қизиллар" турнир финалида "Челси"ни мағлуб этишди.