"Sevilya" va "Barselona" o‘zaro futbolchi almashishi mumkin. Ispan nashrlari xabariga ko‘ra, andalusiyaliklar himoyachi Jyul Kundeni "ko‘k-anorranglilar" futbolchisi Serjinyo Destga almashtirishga rozi, ammo Klemen Langle borasida biroz shubha qilmoqda.
"Barselona" Kundeni o‘z safiga qo‘shib olmoqchi, ammo futbolchining 80 million yevrolik narxi Kataloniya klubiga to‘g‘ri kelmaydi. Narxni tushirish uchun "Barsa" "Sevilya"ga ikki futbolchi - Dest va Langleni taklif qildi.
"Sevilya" Destni o‘z safiga qo‘shib olishga tayyor, biroq klub fransiyalik futbolchining o‘yinlariga shubha bilan qaramoqda, deb xabar beradi Mundo Deportivo.
Ma’lumot o‘rnida, Kunde joriy mavsumda La Ligada 31 ta o‘yinda maydonga tushib, 2 ta gol va 1 ta golli uzatmani amalga oshirdi.
