"Manchester Siti" hujumchisi Gabriel Jezus yozda jamoasini o‘zgartirishi mumkin. ESPN xabariga ko‘ra, 25 yoshli braziliyalik futbolchining xizmatlariga "Arsenal" klubi qiziqish bildirmoqda.
Manbaga ko‘ra, “shaharliklar” braziliyalikning ketishi uchun 55 million funt sterling (64,9 million yevro) tovon puli so‘ragan.
"Arsenal" hujumchi uchun bunday summani to‘lashga tayyor emas, shuning uchun ular narxni pasaytirishga umid qilishmoqda.
Qayd etilishicha, "Man Siti" hujumchi Erling Xoland uchun Dortmundning "Borussiya"siga to‘langan mablag‘ning bir qismini qoplash uchun shuncha ko‘p pul so‘ragan.
Oldinroq Jezusning agenti Marselo Pettinati ularga "kanonirlar" loyihasi yoqqanini aytgandi.
