Turinning "Yuventus" klubi "Arsenal" himoyachisi Gabriel va "Lion"da ijara asosida harakat qilayotgan "Chelsi" qanot himoyachisi Emersonni o‘z safiga qo‘shib olmoqchi. Bu haqda Tuttosport nashri xabar bermoqda.
Manbaga ko‘ra, 24 yoshli Gabriyegl mavsum oxirida "Yuventus"ni tark etadigan Jorjio Kyelliniga o‘rinbosar sifatida qaralmoqda.
Oldinroq "kanonirlar" 24 yoshli futbolchini 45 million yevroga sotishi xabar qilingandi.
Gabriel 2020 yilda Angliya klubi futbolchisiga aylangan. Bu mavsumda, braziliyalik himoyachi Angliya Premyer-ligasining 34ta uchrashuvida ishtirok etib, 4ta gol urgan.
27 yoshli Emerson joriy mavsumda 36 o‘yinda maydonga tushib, 1 ta gol va 2 ta golli uzatmani amalga oshirdi.