Туриннинг "Ювентус" клуби "Арсенал" ҳимоячиси Габриэл ва "Лион"да ижара асосида ҳаракат қилаётган "Челси" қанот ҳимоячиси Эмерсонни ўз сафига қўшиб олмоқчи. Бу ҳақда Tuttosport нашри хабар бермоқда.
Манбага кўра, 24 ёшли Габриегл мавсум охирида "Ювентус"ни тарк этадиган Жоржио Кьеллинига ўринбосар сифатида қаралмоқда.
Олдинроқ "канонирлар" 24 ёшли футболчини 45 миллион еврога сотиши хабар қилинганди.
Габриэл 2020 йилда Англия клуби футболчисига айланган. Бу мавсумда, бразилиялик ҳимоячи Англия Премьер-лигасининг 34та учрашувида иштирок этиб, 4та гол урган.
27 ёшли Эмерсон жорий мавсумда 36 ўйинда майдонга тушиб, 1 та гол ва 2 та голли узатмани амалга оширди.