"Atalanta"ning tajribali ustozi Jan Pyero Gasperini jamoani tark etishga tayyor ekanligini bildirdi.

Gasperinining ta’kidlashicha, bu Bergamoliklar uchun eng og‘ir mavsum edi. Tajribali mutaxassis bu jamoani va shaharni juda yaxshi ko‘rishini, ammo “Atalanta” rahbarlari uning klubdan ketishini istashsa, e’tirozsiz buni qilishga tayyorligini ta’kidladi. Murabbiyning qo‘shimcha qilishicha, yaqin orada u "Atalanta" rahbarlari bilan uchrashib, kelajagi haqida jiddiy gaplashib olishi kerak.

Eslatib o‘tamiz, joriy mavsum yakunida Gasperini shogirdlari turnir jadvalida sakkizinchi o‘rinni egallab, yevrokuboklar uchun yo‘llanmani qo‘lga kirata olmagandi.