Hujumchi Paulo Dibala "Inter"ga o‘tishga juda yaqin turibdi. Turinning “Yuventus” klubi bilan shartnomasi yozda nihoyasiga yetadigan argentinalik futbolchi tez orada “neradzurri” bilan yana bir yilga uzaytirish imkoniyati bilan uch yillik shartnoma imzolashi kerak. Bu haqda ijtimoiy tarmoqlarda jurnalist Nikolo Skira xabar berdi.
Shu tariqa, 28 yoshli argentinalik “Inter”ning joriy mavsumdagi ilk transferi bo‘ladi. Dibalada faoliyatini Premyer-ligada davom ettirish uchun bir nechta variant bor edi, ammo futbolchi A Seriyada qolishga qaror qildi.
Eslatib o‘tamiz, Dibala "Yuventus" tarixidagi eng yaxshi to‘purarlar 10taligiga kiradi. Argentinalik futbolchi rahbariyat bilan yangi maosh borasida kelishmovchiliklar tufayli “keksa sinyora” bilan shartnomani uzaytirmadi.
